அமெரிக்காவில் நடைபெற்ற நேட்டோ மாநாட்டில் உக்ரைன் ஜனாதிபதி ஜெலன்ஸ்கியை, ‘புட்டின்’ என அமெரிக்க ஜனாதிபதி ஜோ பைடன் அறிமுகம் செய்ததால் குழப்பம் ஏற்பட்டது.
எனினும் அடுத்த சில நொடிகளில் அதை திருத்தி கூறியுள்ளார்.
ரஷ்யாவுடனான போரில் உக்ரைனுக்கு உதவும் வகையில் ‘உக்ரைன் காம்பெக்ட்’ என்ற உடன்படிக்கை, நேட்டோ அமைப்பின் 32 உறுப்பினர்கள் முன்னிலையில் அறிவிக்கப்பட்டது.
இதில் பைடன் பங்கேற்றார்.
அப்போது ஜெலன்ஸ்கியை உரையாற்ற அவர் அழைத்தார்.
‘உக்ரைன் ஜனாதிபதியை நான் அழைக்கிறேன்.
அவர் தைரியம் மிக்கவர் மற்றும் உறுதித்தன்மை கொண்டவர்.
ஜனாதிபதி புட்டினை வரவேற்கிறேன்’ என பைடன் கூறினார்.
அதன் பின்னர் மேடையை விட்டு இறங்கிய போது தனது தவறை அறிந்து, பைடன் புட்டினை ஜெலன்ஸ்கி வீழ்த்துவார்’ என தெரிவித்தார்.
மேலும்,
பத்திரிகையாளர் சந்திப்பில் துணை ஜனாதிபதி ட்ரம்ப் என பைடன் கூறி இருந்தார்.
கமலா ஹாரிஸ் துணை ஜனாதிபதியாக உள்ள நிலையில் அவரது இந்த பேச்சு அவரது கட்சியான ஜனநாயக கட்சி உறுப்பினர்களை அதிர்ச்சி கொள்ள செய்தது.
அமெரிக்க ஜனாதிபதி 2024 தேர்தலில் ஜனநாயக கட்சி சார்பில் வேட்பாளராக ஜோ பைடன் போட்டியிடுகிறார்.
81 வயதான அவர் மீது பல்வேறு விமர்சனங்கள் முன்வைக்கப்பட்டு வருகின்றன.
விவாதங்களில் பேசும் போது தடுமாறுவது, அறவே தொடர்பு இல்லாமல் பேசுவது மற்றும் உடல் நலன் சார்ந்து விமர்சனங்கள் முன்வைக்கப்படுகின்றமை குறிப்பிடத்தக்கது.
