யாழ்ப்பாணம், வடமராட்சி கிழக்கு மருதங்கேணி பகுதியில் கடந்த திங்கட்கிழமை ஜனாதிபதி தேர்தலை புறக்கணிக்க கோரி தமிழ் தேசிய மக்கள் முன்னணியினரால் பிரசார நடவடிக்கை மேற்கொள்ளப்பட்டது.
இதன் போது சம்பவ இடத்திற்கு சென்ற மருதங்கேணி பொலிசார் துண்டுப்பிரசுரங்களை பறிமுதல் செய்தனர். இதனையடுத்து தேர்தல் சட்டதிட்டங்களை மீறிய குற்றச்சாட்டின் பேரில் நாடாளுமன்ற உறுப்பினர் செல்வராஜா கயேந்திரன், சற்குணதேவி ஜெகதீஸ்வரன், செல்வராசா உதயசிவம் ஆகிய மூவர் மீதும் வழக்கு தாக்கல் செய்யப்பட்டது. இதன்பிரகாரம் எதிர்வரும் 18 ஆம் திகதி நீதிமன்றம் வருமாறு குறித்த மூவருக்கம் அழைப்பானை அனுப்பப்பட்டுள்ளது.
