பாவக் கதைகள் இணையத் தொடரில் தங்கம் என்ற கதையில் சதார் என்ற திருநங்கையாக நடித்து அசத்திய காளிதாஸ் ஜெயராம் லோகேஷ் இயக்கத்தில் பெரும் வெற்றிபெற்ற விக்ரம் படத்தில் கமலின் மகனாக சிறிய வேடத்தில் நடித்திருந்தார்.
மேலும் பா.ரஞ்சித் இயக்கத்தில் வெளியான நட்சத்திரம் நகர்கிறது படத்திலும் காளிதாஸின் நடிப்பு கவனம் ஈர்த்தது.
தற்போது, ’அவள் பெயர் ரஜ்னி’ என்கிற படத்தில் நாயகனாக நடித்துள்ளார். நவரசா பிலிம்ஸ் தயாரிப்பில் வினில் ஸ்காரியா வர்கீஸ் இயக்கத்தில் உருவான இப்படத்தின் டிரைலர் வெளியாகியுள்ளது.
நமிதா பிரமோத் நாயகியாகவும் ரெப்பா மோனிகா, அஸ்வின் குமார், கருணாகரன் ஆகியோர் முக்கிய வேடங்களிலும் நடித்துள்ளார். கிரைம் திரில்லர் பாணியில் உருவான இப்படம் விரைவில் வெளியாக உள்ளமை குறிப்பிடத்தக்கது
