மட்டு.மண்முனை வடக்கு பிரதேச செயலகத்தில் புகைத்தல்-மது எதிர்ப்பு தின விழிப்புணர்வு செயற்றிட்டம்

மகளிர்,சிறுவர் விவகார மற்றும் சமூக வலுவூட்டல் அமைச்சும், சமுர்த்தி அபிவிருத்தித் திணைக்களமும் இணைந்து சர்வதேச புகைத்தல்-மது எதிர்ப்புத் தினத்தை முன்னிட்டு விழிப்புணர்வு செயற்பாடுகளை முன்னெடுத்து வருகிறது.
மட்டக்களப்பு மண்முனை வடக்கு பிரதேச செயலகத்தில் ‘புகைத்தலிருந்து மீண்ட ஒரு கிராமம்- மகிழ்ச்சி நிறைந்த புதியதோர் தேசம்’ எனும் தொனிப்பொருளில் விழிப்புணர்வு நிகழ்வு நடாத்தப்பட்டது.
மாவட்ட சமுர்த்தி திணைக்களப் பணிப்பாளர் புவனேந்திரன் தலைமையில் இவ் விழிப்புணர்வு நிகழ்வு இடம்பெற்றது.
புகைத்தல் மற்றும் மது பாவனையால் சமூகத்தில் ஏற்படும் பாதிப்புக்கள் தொடர்பில் தெளிவூட்டப்பட்டதோடு, ஆலோசனைகளும் வழங்கப்பட்டன.