மட்டக்களப்பு புளியந்தீவில் அமைந்துள்ள ஆனைப்பந்தி ஸ்ரீசித்தி விக்னேஸ்வரர் ஆலய வருடாந்த உற்சவத்தின் தேர்திருவிழாவானது மிகச் சிறப்பாக இடம்பெற்றது.
மட்டக்களப்பு புளியந்தீவில் அமைந்துள்ள ஆனைப்பந்தி ஸ்ரீசித்தி விக்னேஸ்வரர் ஆலய வருடாந்த உற்சவம் 2022.04.07ம் திகதி கொடியேற்றத்துடன் ஆரம்பிக்கப்பட்டதுடன் நேற்று வருடாந்த உற்சவத்தின் தேர்திருவிழா மிகச் சிறப்பாக இடம்பெற்றது
வருடாந்த உற்சவத்தில் கடந்த 11ம் திகதி மாம்பழத் திருவிழா, 14ம் திகதி திருவேட்டைத் திருவிழா போன்ற சிறப்பு பூசைகள் இடம்பெற்றிருந்தது.
உற்சவத்தின் 09ம் நாளான தேர்த்திருவிழாவில் பெருமளவான மக்கள் பங்கேற்றதுடன் ஆரம்ப பூசை வழிபாடுகள், சிறப்பு வாத்திய, நாட்டிய நிகழ்வுகள், தேவார பாராயணங்கள் இடம்பெற்று விக்னேஸ்வரப் பெருமான் உள்வீதி வலம் வந்து அலங்காரத் தேரில் அமர்ந்து பக்த அடியார்களின் அரோகரா முழக்கத்துடன் வடமிழுக்க வெளிவீதி வலம் வந்து அருள் வழங்கும் காட்சி மிக அற்புதமாக இடம்பெற்றது.
இன்று சித்தரைப் பௌர்ணமி தினத்தில் ஆனைப்பந்தி ஆலயத்திலிருந்து மாமாங்கேஸ்வரர் ஆலயம் சென்று அங்கு தீர்த்தோற்சவம் இடம்பெறவுள்ளமையும் குறிப்பிடத்தக்கது.
