இருவேறு பிரதேசங்களில் இருவர் நேற்று (20) படுகொலை செய்யப்பட்டுள்ளனர் என்று, பொலிஸார் தெரிவித்துள்ளனர்.
மாத்தறை மிதிகம மற்றும் பதுளை எல்ல ஆகிய பிரதேசங்களில் இருவர் நேற்று (20) படுகொலை செய்யப்பட்டுள்ளனர் என்று, பொலிஸார் தெரிவித்துள்ளனர்.
இதற்கமைவாக, மாத்தறை மிதிகம பொலிஸ் பிரிவுக்கு உட்பட்ட துர்கி கிராமத்தில், துப்பாக்கிச் ச10ட்டுக்கு இலக்கான நிலையில் வைத்தியசாலையில் அனுமதிக்கப்பட்ட நபர் சிகிச்சை பலனின்றி மரணமடைந்தார்.
துர்கி கிராமம், மிதிகம பிரதேசத்தை சேர்ந்த 46 வயது நபரே இவ்வாறு மரணமடைந்தார்.
துப்பாக்கிப் பிரயோகத்தை மேற்கொண்ட நபர் அடையாளம் காணப்பட்டுள்ள நிலையில் அவரை கைதுசெய்வதற்கான நடவடிக்கையில் பொலிஸார் ஈடுபட்டு வருகின்றனர்.
இதேவேளை, பதுளை எல்ல பொலிஸ் பிரிவுக்கு உட்பட்ட இலுக்கொட தோட்டத்தில், இருவருக்கு இடையில் ஏற்பட்ட மோதலில் ஒருவர் இரும்புக் கம்பியால் தாக்கப்பட்டு படுகொலை செய்யப்பட்டுள்ளார்.
இருக்கொட தோட்டம், உடு கும்பல்வெல பிரதேசத்தைச் சேர்ந்த 35 வயது நபரே இவ்வாறு படுகொலை செய்யப்பட்டுள்ளார்.
பிரேதப் பரிசோதனைக்காக வைத்தியசாலையின் பிரேத அறையில் சடலம் வைக்கப்பட்டுள்ளது.
தாக்குதல் சம்பவத்துடன் தொடர்புடைய நபரும் கைதுசெய்யப்பட்டுள்ளார்.
சந்தேக நபரும் தாக்குதலில் காயமடைந்துள்ள நிலையில் பொலிஸ் பாதுகாப்பில் அவர் வைத்தியசாலையில் அனுமதிக்கப்பட்டுள்ளார்.
இந்த சம்பவம் தொடர்பில், பொலிஸார் மேலதிக விசாரணைகளை மேற்கொண்டு வருகின்றனர்.
