கஞ்சா செய்கையானது உலகளவில் முக்கியத்துவம் பெற்று வருவதாகவும், இலங்கை இத்தொழிலில் முன்னணியில் இருப்பதற்கான சாத்தியக்கூறுகள் இருப்பதாகவும் சுற்றுலா இராஜாங்க அமைச்சர் டயானா கமகே தெரிவித்துள்ளார்.இலங்கையில் 22 வகையான கஞ்சா வகைகள் இருப்பதாகவும், சணலில் இருந்து பெறக்கூடிய எண்ணற்ற மருத்துவப் பொருட்கள் இருப்பதாகவும், அதன் செய்கை மற்றும் ஏற்றுமதியைப் பயன்படுத்திக் கொள்ள இலங்கைக்கு கணிசமான வாய்ப்பை வழங்குவதாகவும் தெரிவித்தார்.நிலையான நாட்டிற்கான கூட்டுப் பாதை என்ற தொனிப்பொருளில் ஜனாதிபதி ஊடக மையத்தில் இடம்பெற்ற ஊடக சந்திப்பின் போதே அமைச்சர் தெரிவித்துள்ளார்.கஞ்சாவைப் பற்றிய பொறுப்பான மற்றும் தகவலறிந்த விவாதங்களை ஊக்குவித்தல், போதைக்கு அப்பாற்பட்ட அதன் பல்வேறு பயன்பாடுகளில் கவனம் செலுத்துதல் மற்றும் பொருத்தமான விதிமுறைகளை அமுல்படுத்துவதன் மூலம், இந்த பல பில்லியன் டொலர் தொழில்துறை வழங்கும் மகத்தான பொருளாதார வாய்ப்புகளை இலங்கை பயன்படுத்திக் கொள்ள முடியும் என்றும் தெரிவித்துள்ளார்.
