யாழ்ப்பாணம் இந்து சமயப் பேரவையின் ஏற்பாட்டில் திருமுறைப் பெருவிழாவும் 09 ஆம் திருமுறை வெளியீடும் இன்று இடம்பெற்றது.இந்து சமயப் பேரவை நடராஜர் மண்டபத்தில் பேரவைத் தலைவர் ஈசான சக்திகிரீவன் தலைமையில் நிகழ்வு இடம்பெற்றது.
பூஜை வழிபாடுகள் இடம்பெற்றதுடன், நூல் வெளியிட்டு வைக்கப்பட்டதுடன் முதன்மைப் பிரதி, சிறப்பு பிரதிகளும் வழங்கப்பட்டன.தொடர்ந்து பண்ணிசைக் கச்சேரியும் இடம்பெற்றது.தொடர்ந்து பல துறைகளில் சாதித்தோருக்கு விருதுகளும் வழங்கப்பட்டன.
இதன்போது டான் தொலைக்காட்சி பிரதம செயற்பாட்டு அதிகாரி இளையதம்பி செல்வச்சந்திரனுக்கு ஊடகத்துறையில் ஆற்றிவரும் அர்ப்பணிப்புள்ள பணிகளை பாராட்டி ஊடக வித்தக நிபுண விருது வழங்கி கௌரவிக்கப்பட்டது.
இந்நிகழ்வில் இந்து சமயப் பேரவையினர், முக்கியஸ்தர்கள், நலன்விரும்பிகள் கலந்துகொண்டனர்.
