காங்கேசன்துறை கடற்பரப்பில் சட்டவிரோத மீன்பிடி நடவடிக்கைகளில் ஈடுபட்டிருந்த போது கடற்படையினரால் கைது செய்யப்பட்ட இரண்டு இந்திய மீனவர்கள் துப்பாக்கிச் சூட்டுக்கு இலக்கானமை, எதிர்பாராத விதமாக துப்பாக்கி இயங்கியதால் என கடற்படை இன்று (29) உறுதிப்படுத்தியது.
இந்த சம்பவம் தொடர்பான முதற்கட்ட விசாரணையைத் தொடர்ந்து இந்த விடயம் தெரியவந்ததாக கடற்படைத் தளபதி வைஸ் அட்மிரல் காஞ்சன பானகொட தெரிவித்தார்.
இதற்கிடையில், கடற்படையினரால் கைது செய்யப்பட்ட 13 இந்திய மீனவர்களும் மல்லாகம் நீதவானிடம் ஆஜர்படுத்தப்பட்ட பின்னர் பெப்ரவரி மாதம் 10 ஆம் திகதி வரை விளக்கமறியலில் வைக்கப்பட்டுள்ளனர்.
காங்கேசன்துறை கடற்பரப்பில் இந்திய மீனவர்கள் குழுவொன்று சட்டவிரோத மீன்பிடி நடவடிக்கைகளில் ஈடுபடுவதாக கிடைத்த தகவலின் அடிப்படையில், கடற்படை குழுவினர் கடந்த 27 ஆம் திகதி இரவு அவர்களை கைது செய்தனர்.
