மேலும் 4 இடங்களுக்கு குறுஞ்செய்தி மூலம் நீர் கட்டணம்

தேசிய நீர் வழங்கல் மற்றும் வடிகாலமைப்புச் சபை 2023 ஒக்டோபர் மாதம் முதல் நாட்டின் சில பகுதிகளின் நுகர்வோருக்கு குறுஞ்செய்தி மூலம் மாதாந்த கட்டணங்களை அனுப்பவுள்ளது.கொழும்பு தெற்கு, கண்டி தெற்கு, பொலன்னறுவை மற்றும் திருகோணமலை பிரதேசங்களில் நுகர்வோர் தமது மாதாந்த கட்டணத்தை குறுஞ்செய்தி ஊடாக பெற்றுக்கொள்ளவார்கள் என சபை தெரிவித்துள்ளது.குறிப்பிடப்பட்ட பகுதிகளின் நுகர்வோர் ஒக்டோபர் 1, 2023 முதல் குறுஞ்செய்தி மூலம் மாதாந்த பில்களைப் பெறுவார்கள்.2024 ஆம் ஆண்டு ஜனவரி 1 ஆம் திகதி முதல் நாடளாவிய ரீதியில் இந்த முறை நடைமுறைப்படுத்தப்படும் என சபை மேலும் தெரிவித்துள்ளது.