யாழ்ப்பாணம் வடமராட்சி புலோலி வில்லிபாதி முருகன் ஆலய, அலங்கார உற்சவத்தின் தீர்த்தத் திருவிழாவை முன்னிட்டு,யாழ்.மாவட்ட ரீதியில், தரம் 11 மாணவர்களுக்கு நடாத்தப்பட்ட மொழியறிவுப் போட்டி இன்று பருத்தித்துறை வேலாயுதம்மகா வித்தியாலயத்தில் நடைபெற்றது.
தமிழ் இலக்கணம்,தமிழ் இலக்கியம்,கட்டுரையாக்கம் போன்ற விடயப்பரப்புக்களை உள்ளடக்கியதாக வினாத் தொகுதிகள்தொகுக்கப்பட்டிருந்தன.
போட்டியில் முதலிடத்தைப் பெற்றுக்கொள்ளும் மாணவருக்கு 10 ஆயிரம் ரூபா பணப் பரிசும், 2ம் இடத்தினைப் பெற்றுக் கொள்ளும் மாணவருக்கு 7 ஆயிரம் ரூபா பணப் பரிசும், 3ம் இடத்தினைப் பெற்றுக்கொள்ளும் மாணவருக்கு 5 ஆயிரம் ரூபா பணப் பரிசிலும் வழங்கப்படவுள்ளது.பரிசில்கள் புலோலி வில்லிபாதி முருகன் ஆலய தீர்த்த உற்சவத்தன்று வழங்கப்படவுள்ளது.
