மன்னார் நகர சபையின் உதவியுடன் மன்னார் பிரதேச செயலக சிறு தொழில் முயற்சி அபிவிருத்திப் பிரிவின் ஏற்பாட்டில் உள்ளூர் உற்பத்தியாளர்களை ஊக்குவிக்கும் முகமாகவும் அவர்களின் உற்பத்திப் பொருட்களை சந்தைப்படுத்தும் வகையிலும் குறித்த கண்காட்சி மற்றும் விற்பனை ஒவ்வொரு மாதமும் கடைசி திங்கட்கிழமை முன்னெடுக்க நடவடிக்கை மேற்கொள்ளப்பட்டுள்ளதாக மன்னார் பிரதேச செயலாளர் எம்.பிரதீப் தெரிவித்துள்ளார்.
அந்த வகையில் இன்றைய தினம் கண்காட்சி மற்றும் விற்பனை மன்னார் நகர பிரதேச செயலகத்திற்கு முன் காணப்படும் மன்னார் நகர சபைக்குச் சொந்தமான வாராந்த சந்தை கட்டிடத்தில் முன்னெடுக்கப்பட்டுள்ளது.
மக்கள், உள்ளூர் உற்பத்தியாளர்களை ஊக்குவிக்கும் வகையில் அவர்களின் உற்பத்திகளை பார்வையிட்டு கொள்வனவு செய்து அவர்களை ஊக்குவிக்க வேண்டும் என மன்னார் பிரதேச செயலாளர் தெரிவித்துள்ளார்.
