முல்லைத்தீவு நீதிபதியின் பதவி விலகல்: மனோ எம்.பி ட்விட்

0
116

முல்லைத்தீவு மாவட்ட நீதிபதி சரவணராஜாவின் உயிருக்கு அச்சுறுத்தல், நாட்டில் எஞ்சி இருந்த கொஞ்ச நஞ்ச சட்ட ஆட்சிக்கும் நேரடி சவால் என நாடாளுமன்ற உறுப்பினர் மனோ கணேசன் தெரிவித்துள்ளார்.

முல்லைத்தீவு நீதிமன்ற நீதிபதி ரி.சரவணராஜா பதவி விலகியமை தொடர்பில் நாடாளுமன்ற உறுப்பினர் மனோ கணேசன் வெளியிட்டுள்ள டுவிட்டர் பதிவில் இவ்வாறு குறிப்பிடப்பட்டுள்ளது.

‘சட்டத்தின் ஆட்சி என்பது அதிகார பகிர்வு, பொறுப்புக்கூறல் என்பன போன்ற மாற்றுக் கருத்துகள் கொண்ட விடயமல்ல.

இங்கே முல்லைத்தீவு மாவட்ட நீதிபதி சரவணராஜாவின் உயிருக்கு அச்சுறுத்தல். நாட்டில் எஞ்சி இருந்த கொஞ்ச நஞ்ச சட்ட ஆட்சிக்கும் நேரடி சவால்.

ஜனாதிபதி ரணில், உடன் நாடு திரும்பி பதிலளிக்க வேண்டும். அத்துடன் சட்டமா அதிபர் சஞ்சய் ராஜரத்தினமும் பதிலளிக்க வேண்டும்’ என மனோ கணேசனின் டுவிட்டர் பதிவில் குறிப்பிடப்பட்டுள்ளது.