யாழ்ப்பாணம் – அச்சுவேலி தெற்கு விக்னேஸ்வரா பகுதியில் வர்த்தக நிலையமொன்று தீ விபத்தில் சேதமடைந்துள்ளது.
இந்த சம்பவம் இன்று காலை இடம்பெற்றது.
யாழ் மாநகர சபை தீயணைப்பு வாகனத்தின் உதவியுடன் தீப்பரவல் கட்டுப்பாட்டுக்குள் கொண்டு வரப்பட்ட போதும், வர்த்தக நிலையம் பெருமளவில் சேதமடைந்துள்ளதாக தெரிவிக்கப்படுகிறது.
வர்த்தக நிலையத்துக்கு விஷமிகள் தீ வைத்திருக்கலாமென வர்த்தக நிலைய உரிமையாளர் சந்தேகம் வெளியிட்டுள்ளதுடன், அச்சுவேலி பொலிஸ் நிலையத்திலும் முறைப்பாட்டைப் பதிவு செய்துள்ளார்.
சம்பவம் தொடர்பில் அச்சுவேலி பொலிஸாரும், தடயவியல் பொலிஸாரும் இணைந்து விசாரணைகளை மேற்கொண்டுள்ளனர்.
