முன்னாள் சபாநாயகர், முன்னாள் பிரதி சபாநாயகர்இமுன்னாள் பிரதிக் குழுத் தலைவர் மற்றும் தற்போது பதவியில் இருப்பவர்கள் தங்களது பதவிக் காலத்தில் எரிபொருளுக்காக செலவிட்ட நிதிச் செலவினங்களை சபைத் தலைவர் பிமல் ரத்நாயக்க இன்று நாடாளுமன்றில் சமர்ப்பித்தார்.
2023ஆம் ஆண்டு ஜனவரி முதல் டிசம்பர் 31 ஆம் திகதி வரை முன்னாள் சபாநாயகர் மஹிந்த யாப்பா அபேவர்த்தன 08 வாகனங்களுக்கு ரூ.26 மில்லியன் மதிப்புள்ள எரிபொருளைப் பயன்படுத்தியதாக சபைத் தலைவர் தெரிவித்தார்.
இந்த செலவு அறிக்கைகள் அனைத்தும் நாடாளுமன்ற நிதிப் பணிப்பாளரால் சான்றளிக்கப்பட்டுள்ளதாக சபைத் தலைவர் குறிப்பிட்டார். மேலும், பிரதி சபாநாயகர் அஜித் ராஜபக்ஷ 2023 ஆம் ஆண்டு 06 வாகனங்களுக்கான எரிபொருளுக்காக ரூ.14 மில்லியன் செலவிட்டுள்ளார்.
பிரதிக் குழுத் தலைவர் 04 வாகனங்களுக்கு ரூ. 7.8 மில்லியனைப் பயன்படுத்தியுள்ளதாக பிமல் ரத்நாயக்க தெரிவித்தார். 2024 ஆம் ஆண்டில், முன்னாள் சபாநாயகர் 9 வாகனங்களுக்கு ரூ.33 மில்லியன் மதிப்புள்ள எரிபொருளைப் பயன்படுத்தியுள்ளார்.
2024 ஆம் ஆண்டின் முதல் 9 மாதங்களில் (தற்போதைய அரசாங்கம் அமைக்கப்படும் வரை), முன்னாள் பிரதி சபாநாயகர் 06 வாகனங்களுக்கு ரூ. 13 மில்லியனைப் பயன்படுத்தியதாகவும், அதே காலகட்டத்தில் முன்னாள் பிரதிக் குழுத் தலைவர் 04 வாகனங்களுக்கு எரிபொருளுக்காக ரூ. 7.2 மில்லியனைப் பயன்படுத்தியதாகவும் சபைத் தலைவர் தெரிவித்தார்.
இதேநேரம் தற்போதைய நாடாளுமன்றத்தின் முதல் ஒன்றரை மாதங்களில், புதிய சபாநாயகரின் எரிபொருள் செலவுகள் ரூ.123,000 எனவும் பிரதி சபாநாயகரின் எரிபொருள் செலவுகள் ரூ.45,000 எனவும் பிமல் ரத்நாயக்க குறிப்பிட்டார்.
இதேவேளை பிரதிக் குழுத் தலைவரின் எரிபொருள் செலவுகள் ரூ.18,000 ஆகும். மேலும்,இந்த வருடம் ஜனவரி மாத்தில் சபாநாயகரின் எரிபொருள் செலவு ரூ. 218,000 ஆகவும், பிரதி சபாநாயகரின் எரிபொருள் செலவு ரூ.23இ,000 ஆகவும், பிரதிக் குழுத் தலைவரின் எரிபொருள் செலவு ரூ. 81,000 ஆகவும் இருந்தது.
பெப்ரவரி 25 ஆம் திகதி வரை சபாநாயகரின் எரிபொருள் செலவுகள் ரூ.123,000 என்றும், பிரதி சபாநாயகரின் எரிபொருள் செலவுகள் ரூ.25,000 என்றும் சபைத் தலைவர் பிமல் ரத்நாயக்க தெரிவித்தார்.
