மட்டக்களப்பு காத்தான்குடிக்கு 4ம் காலாற்படையின் புதிய கட்டளைத் தளபதி மேஜர் ஜெனரல் எல்.ஏ.சி.அனில் பெரேரா இன்று விஜயம் செய்தார். காத்தான்குடி பள்ளிவாசல்கள் முஸ்லிம் நிறுவனங்களின் சம்மேளன பிரதிநிதிகளை சந்தித்தார்.
இதன் போது புதிய கட்டளைத் தளபதி மேஜர் ஜெனரல் எல்.ஏ.சி.அனில் பெரேராவுக்கு சம்மேளன பிரதிநிதிகளால் வரவேற்பளிக்கப்பட்டது. காத்தான்குடி பள்ளிவாசல்கள் முஸ்லிம் நிறுவனங்களின் சம்மேளன பிரதி தலைவர் ஓய்வு பெற்ற அதிபர் சத்தார் தலைமையில் நடைபெற்ற, நிகழ்வில் சிரேஸ்ட சட்டத்தரணி உவைஸ், சம்மேளன செயலாளர் மௌலவி இல்ஹாம் பலாஹி, பொருளாளர் இர்பான் உட்பட சம்மேளன பிரதிநிதிகள் என பலரும் கலந்து கொண்டனர்.
நிகழ்வில் புதிய கட்டளைத் தளபதி மேஜர் ஜெனரல் எல்.ஏ.சி.அனில் பெரேராவுக்கு பொன்னாடை போர்த்தி நினைவுச் சின்னமும் வழங்கி கௌரவித்தனர்.
