கொழும்பிலிருந்து கதிர்காமத்திற்கு சுற்றுலா சென்ற 120 பேரையும் கதிர்காமம் பொதுச் சுகாதாரப் பரிசோதகர்கள் இன்று (06-11-2020) முதல் 14 நாள்களுக்குத் தனிமைப்படுத்தியுள்ளனர்.
கதிர்காமத்திற்கு சுற்றுலா சென்ற இந்த 120 பேரும், அவர்கள் தங்கியிருந்த விடுதிகளிலேயே தனிமைப்படுத்தப்பட்டுள்ளனர் என கதிர்காமம் பொதுச் சுகாதாரப் பரிசோதகர் சமன் திஸாநாயக்க தெரிவித்தார்.
கொழும்பில் ஊரடங்குச் சட்டம் பிறப்பிக்கப்பட்டிருக்கும் நிலையில் கொழும்பிலிருந்து கதிர்காமத்திற்கு எந்த அடிப்படையில் இந்த 120 பேரும் சுற்றுலா சென்றனர் என விசாரணைகள் மேற்கொள்ளப்பட்டு வருகின்றன.
கொழும்பிலிருந்து கதிர்காமம் வந்த சுற்றுலா வாசிகள் தொடர்பில் கதிர்காமம் பொதுச் சுகாதாரப் பிரிவினருக்கு பொதுமக்கள் வழங்கிய தகவலுக்கமைய பொதுசுகாதாரப் பிரிவினர் விரைந்து அவர்களிடம் விசாரணைகளை மேற்கொண்டு அவர்களை அவரவர்கள் தங்கியிருக்கும் விடுதிகளிலேயே தனிமைப்படுத்தியுள்ளனர்.
