முல்லைத்தீவு, புதுக்குடியிருப்பு – பரந்தன் பிரதான வீதியில், இன்று காலை 9.30 மணியளவில் இடம்பெற்ற விபத்தில், இளைஞர் ஒருவர் படுகாயமடைந்துள்ளார்.
புதுக்குடியிருப்பு பகுதியிலிருந்து, பரந்தன் பிரதான வீதியூடாக பயணித்த மோட்டார் சைக்கிள் மீது, அதே திசையில் பயணித்த பட்டா ரக வாகனம் மோதி விபத்திற்குள்ளானது.
இதனால், மோட்டார் சைக்கிளில் பயணித்த, 22 வயது மதிக்கத்தக்க இளைஞர் படுகாயமடைந்துள்ளார்.
இளைஞர், புதுக்குடியிருப்பு வைத்தியசாலையில் அனுமதிக்கப்பட்டு, மேலதிக சிகிச்சைகளுக்காக, முல்லைத்தீவு மாவட்ட வைத்தியசாலைக்கு மாற்றப்பட்டுள்ளார்.
இந்த நிலையில், புதுக்குடியிருப்பு பொலிஸார், மேலதிக விசாரணைகளை மேற்கொண்டு வருகின்றனர்.
