149வது அஞ்சல் தினத்தினை முன்னிட்டு வவுனியா அஞ்சலக விளையாட்டு குழுவின் ஏற்பாட்டில் அஞ்சல் ஆளணியினரிடையே நடத்தப்படும் மாபெரும் சைக்கிளோட்டப்போட்டி இன்று இடம்பெற்றது.
ஆரம்ப நிகழ்வாக பிரதம விருந்தினர்களுக்கு மாலை அணிவித்து அழைத்து வரப்பட்டதுடன், தேசியக்கொடி மற்றும் அஞ்சல் திணைக்கள கொடிகளும் ஏற்றிவைக்கப்பட்டன.
அதனை தொடர்ந்து பிரதம விருந்தனரால் கொடி அசைத்து சைக்கிளோட்டம் ஆரம்பித்து வைக்கப்பட்டது.
பிரதம அஞ்சல் அதிபர் லியனகெதர தலைமையில் இடம்பெற்ற நிகழ்வில், ஐக்கிய மக்கள் சக்தியின் வவுனியா மாவட்ட இணைப்பாளர் எஸ். நிரோசன், பிரதேச அஞ்சல் அத்தியட்சகர் மஞ்சுளா ஜெயசுந்தர, மற்றும் பொலிஸார், அஞ்சல் அலுவலகர்கள் என பலரும் கலந்துகொண்டிருந்தனர்.
குறித்த போட்டியானது வவுனியா தபால் அலுவலகத்தில் ஆரம்பமாகி வவுனியா நகரின் ஊடாக ஆசிக்குளம், கல்நாட்டினகுளம் ஊடாக ஏ9 வீதியை அடைந்து மீண்டும் தபால் அலுவலகத்தை அடைந்தது.
