தென்சூடான் கடவுச்சீட்டு வைத்திருப்பவர்களுக்கான விசாக்களை உடனடியாக இரத்துச் செய்யுமாறு அமெரிக்க வெளியுறவுத்துறை செயலாளர் மார்கோ ரூபியோ அறிவித்தார்.
ஆபிரிக்க நாடான சூடானில் அமெரிக்கா வான்வழி தாக்குதலை நடத்தி வருகிறது. இந்ந தாக்குதல் குறித்து, அமெரிக்க வெளியுறவுத்துறை அமைச்சர் மார்கோ ரூபியோ கூறியதாவது:
தென்சூடான் கடவுச்சீட்டு வைத்திருப்பவர்களுக்கான விசாக்கள் உடனடியாக இரத்துச் செய்யப்படுகிறது.
தென் சூடானின் இடைக்கால அரசாங்கம் அமெரிக்காவை சாதகமாகப் பயன்படுத்திக் கொள்ள முயற்சிக்கிறது. அமெரிக்கா இதுவரை 300க்கும் மேற்பட்ட விசாக்களை இரத்துச் செய்துள்ளது. உலகில் உள்ள ஒவ்வொரு நாட்டிற்கும் யார் உள்ளே வரவேண்டும் , யார் வரக்கூடாது என்பதைத் தீர்மானிக்க அந்நாட்டிற்கு உரிமை உண்டு.
நமது நாட்டின் குடியேற்றச் சட்டங்களை அமல்படுத்துவது அமெரிக்காவின் தேசிய பாதுகாப்பிற்கு மிகவும் முக்கியமானது. ஒவ்வொரு நாடும் சரியான நேரத்தில் தங்கள் குடிமக்கள் திரும்புவதை ஏற்றுக்கொள்ள வேண்டும். தென் சூடான்கடவுச்சீட்டு வைத்திருப்பவர்கள் அமெரிக்காவிற்குள் நுழைவதைத் தடுக்க, அவர்களுக்கு விசா வழங்குவது நிறுத்தப்படுகிறது. இவ்வாறு அவர் கூறினார்.
