அம்பாறை அல்லிமூலை மல்கம்பட்டி பிரதேசத்தில், மணல் அகழ்வுப் பணிக்காக சென்ற குடும்பஸ்தர் இன்று அதிகாலை யானை தாக்கி உயிரிழந்துள்ளார்.
நிந்தவூர் 21 ஆம் பிரிவை சேர்ந்த 3 பிள்ளைகளின் தந்தையான 55 வயது மதிக்கத்தக்க ஆதம்பாவா நவாசிம் என்ற குடும்பஸ்தரே உயிரிழந்தவராவார்.
சம்மாந்துறை நீதிமன்ற நீதிவானின் கட்டளையின் பிரகாரம் பிரதேச மரண விசாரணை அதிகாரி அப்துல் ஹமீட் அல் ஜவாஹிர் சம்பவ இடத்திற்கு சென்று மரண விசாரணை மேற்கொண்டார். மரண விசாரணையின் பின்னர் உறவினர்களிடம் கையளிக்கப்பட்டுள்ளது. தற்போது வயல் அறுவடை காலம் ஆரம்பித்துள்ள நிலையில், யானைகளின் நடமாட்டமும் அதிகரித்துள்ளமையால் மக்கள் சிரமங்களை எதிர்நோக்கியுள்ளனர்.
