அம்பாறை கல்முனையில், கடற்கரையில் இருந்து துப்பாக்கி மீட்பு

அம்பாறை கல்முனை தலைமையக பொலிஸ் பிரிவிற்குட்பட்ட, மாமாங்க பிள்ளையார் ஆலயத்தை அண்டிய கடற்கரை பகுதியில் பிளாஸ்டிக் குழாய் ஒன்றில் மறைத்து, நிலத்தில் புதைக்கப்பட்ட நிலையில், துப்பாக்கியொன்று
நேற்று மீட்கப்பட்டுள்ளது.

ரிவோல்வர் ரக துப்பாக்கியே மீட்கப்பட்டுள்ளதாகத் தெரிவிக்கப்படுகிறது.
கடலரிப்பினால் புதைக்கப்பட்ட பிளாஸ்ரிக் குழாய்வெளியாகிய நிலையிலேயே, அதிலிருந்த துப்பாக்கி மீட்கப்பட்டுள்ளது. துப்பாக்கி இயங்குநிலையில் காணப்படுவதாக கூறப்படுகிறது.

மீட்கப்பட்ட துப்பாக்கி தொடர்பில் எந்தவொரு சந்தேக நபர்களும் கைது செய்யப்படவில்லை என்பதுடன் மேலதிக விசாரணைகளை கல்முனை தலைமையக பொலிஸார் முன்னெடுத்துள்ளனர்.