இலங்கை மற்றும் இங்கிலாந்து அணிகளுக்கு இடையிலான முதலாவது டெஸ்ட் போட்டியில் இங்கிலாந்து அணி 5 விக்கெட்டுகள் வித்தியாசத்தில் வெற்றி பெற்றது.
இங்கிலாந்தின் மென்செஸ்டரில் உள்ள ஓல்ட் டிராஃபோர்ட மைதானத்தில் கடந்த 21 ஆம் திகதி ஆரம்பமான போட்டியின் நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாடியது.
அதற்கமைய இலங்கை அணி 1 ஆவது இன்னிங்ஸில் 236 ஓட்டங்களை பெற்றுக்கொண்டது.இதில் தனஞ்சய டி சில்வா
74 ஓட்டங்கள், மிலான் ரத்நாயக்க 72 ஓட்டங்களை பெற்றனர்.
சார்பில் சிரிஸ் வோக்கஸ் 32/3 விக்கெட்டுக்கள், சோயிப் பாஷிர் – 55/3 விக்கெட்டுக்கள் எடுத்தனர்.அதற்கமைய முதல் இனிங்ஸை ஆரம்பித்த இங்கிலாந்து அணி 358 ஓட்டங்கள் எடுத்தது.
இதில்,ஜமி ஸ்மித் 111 ஓட்டங்கள், ஹரி ப்ரூக் 56 ஓட்டங்கள் எடுத்தனர்.இலங்கை சார்பில் அசித்த பெர்னாண்டோ 103/4 விக்கெட்டுக்கள், பிரபாத் ஜயசூரிய 85/3 விக்கெட்டுக்களை எடுத்தனர்.
இலங்கை அணி 2 ஆவது இன்னிங்ஸில் 326 ஓட்டங்கள் எடுத்தது.கமிந்து மெண்டிஸ் 113 ஓட்டங்கள், தினேஷ் சந்திமால் 79 ஓட்டங்கள், அஞ்சலோ மெத்தியூஸ் 65 ஓட்டங்கள் எடுத்தனர்.
இங்கிலாந்து சார்பில் சிரிஸ் வோக்கஸ் – 58/3 விக்கெட்டுக்கள், மத்தியூ பொட்ஸ் 47/3 விக்கெட்டுக்கள் எடுத்தனர்.இதை அடுத்து, 205 ஓட்டங்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி 5 விக்கெட்டுகள் இழப்பிற்கு 205 ஓட்டங்களை பெற்று வெற்றி பெற்றது.
துப்பாட்டத்தில் இங்கிலாந்து அணி சார்பில் அதிகபட்சமாக யோய் ரூட் ஆட்டமிழக்காமல் 62 ஓட்டங்களை பெற்றார்.பந்து வீச்சில் இலங்கை அணி சார்பில் அசித்த பெர்னாண்டோ மற்றும் பிரபாத் ஜயசூரிய தலா 2 விக்கெட்டுகளை வீழ்த்தினர்.
