இஸ்ரேல் – ஹமாஸ் மோதல் நீடித்து வரும் நிலையில், ஹாஸாவின் தெற்கு நகரமான, ரபா நகருக்கு வெளியே, இடம்பெயர்ந்த பாலஸ்தீனியர்கள் தங்கியிருந்த அகதிகள் முகாம்கள் மீது, இஸ்ரேல் நடத்திய தாக்குதலில், 25 பேர் உயிரிழந்துள்ளனர்.
அத்துடன், 50 பேர் காயம் அடைந்துள்ளதாகவும், ஹமாஸ் அமைப்பினர் தெரிவித்துள்ளனர்.
ஹாஸாவில், மொத்தம் 23 இலட்சம் மக்கள் வசித்து வரும் நிலையில், இதில் அரைவாசிக்கும் மேற்பட்ட மக்கள், சொந்த இடத்தை விட்டு வெளியேறி, முகாம்களில் வசித்து வருகின்றனர்.இதுவரை, ஹாஸாவில் 37 ஆயிரத்திற்கும் மேற்பட்டோர் உயிரிழந்துள்ள நிலையில், அதில் பெரும்பாலும் குழந்தைகளும், பெண்களும் உள்ளடங்குகின்றனர்.
