கண்டி எசல பெரஹெரவை முன்னிட்டு, விசேட ரயில் சேவை!

கண்டி எசல பெரஹெரவை முன்னிட்டு, விசேட ரயில் சேவைகள் பல ஆரம்பிக்கப்பட்டுள்ளன.பெரஹெரவை பார்வையிட செல்பவர்களின் நன்மை கருதியே இந்த விசேட ரயில் சேவைகள் ஆரம்பிக்கப்பட்டுள்ளன.
இன்று தொடக்கம் எதிர்வரும் 12ஆம் திகதி வரை இந்த விசேட ரயில் சேவைகள் முன்னெடுக்கப்படவுள்ளதுடன், இன்று காலை 9.50க்கு கொழும்பு கோட்டையிலிருந்து முதலாவது சேவை ஆரம்பிக்கப்பட்டது. காலை 09.50 மணிக்கு கொழும்பு கோட்டையில் இருந்து புறப்பட்ட புகையிரதம், பகல் 1.10 மணியளவில் கண்டியைச் சென்றடைந்தது. நண்பகல் 2.15 மணியளவில் கொழும்பு கோட்டையிலிருந்து புறப்படும் மற்றுமொரு விசேட ரயில் மாலை 5.27க்கு கண்டியை சென்றடைந்தது.
குறித்த நேர அட்டவணைக்கு அமைவாக கண்டி எசல பெரஹெரவை முன்னிட்டு, இயக்கப்படும் விசேட ரயில் சேவைகள் இடம்பெறும் என தெரிவிக்கப்படுகின்றது.