கிரீஸ் நாட்டின் லெஸ்போஸ் தீவின் அருகில் அகதிகள் பயணித்த படகு கவிழ்ந்து விபத்துக்குள்ளானதில் 2 குழந்தைகள் உள்பட 7 பேர் பலியாகியுள்ளனர்.
கிரீஸ் நாட்டின் கிழக்குப் பகுதியிலுள்ள லெஸ்போஸ் தீவை நோக்கி ஏகன் கடல் வழியாக துருக்கியிலிருந்து இன்று அதிகாலை பயணித்த அகதிகள் படகு ஒன்று கவிழ்ந்து விபத்துக்குள்ளாகியது.
இதனைத் தொடர்ந்து, கடலில் உயிருக்கு போராடிய 23 பேரை கிரீஸ் நாட்டின் கடற்படையினர் மீட்டு வைத்தியசாலையில் அனுமதித்தனர். இருப்பினும், அந்த படகில் பயணித்த அகதிகளின் எண்ணிக்கை மற்றும் அவர்கள் எந்த நாட்டைச் சேர்ந்தவர்கள் என்ற தகவல்கள் தெரிவிக்கப்படாத நிலையில் காணாமல் போனவர்களைத் தேடும் நடவடிக்கையும் மேற்கொள்ளப்பட்டுள்ளது.
இதேவேளை விபத்து நடந்த ஏகன் கடல் பகுதியில் கிரீஸ் நாட்டின் கடற்படையினரின் 3 கப்பல்கள், விமானப் படையின் ஹெலிகொப்டர் மற்றும் படகுகள் தேடுதல் பணியில் ஈடுபட்டிருந்த நிலையில் இந்த விபத்தில் தற்போது 2 குழந்தைகள் உட்பட 5 பேர் பலியானதாகத் தெரிவிக்கப்பட்டுள்ளது.
அகதிகள் பயணம் செய்த கடல் பகுதியின் வானிலையில் பெரியளவில் எந்தவொரு மாற்றமும் இல்லாததினால், இந்த விபத்துக்கான அடிப்படை காரணம் தெரியவில்லை எனக் கூறப்பட்டிருந்தது.
மேலும், மோதல்கள் மற்றும் வறுமையினால் பாதிப்படைந்த ஆபிரிக்கா மற்றும் ஆசிய நாடுகளைச் சேர்ந்த மக்கள் ஐரேப்பாவினுள் நுழைய படகு மூலமாக கிரீஸ் நாட்டு தீவுகளுக்கு ஆபத்தான பயணத்தை மேற்கொள்வது குறிப்பிடத்தக்கது.
