அவுஸ்ரேலியா மீது சீனா விதித்துள்ள வர்த்தகத் தடைகளை நீக்கப்படும் வரை, அவுஸ்ரேலியப் பிரதமர் சீனாவிற்கு விஜயம் மேற்கொள்ளக் கூடாது
என அவுஸ்ரேலிய எதிர்க்கட்சி கூட்டணி வேண்டுகோள் விடுத்துள்ளது.
வெளிவிவகாரங்களிற்கான நிழல் அமைச்சர் சைமன் பேர்மிங்காம் எதிர்க் கட்சி கூட்டணி சார்பில் இவ் வேண்டுகோளை விடுத்தார்.
‘சீனா விதித்துள்ள தடைகள் நீக்கப்படும் என்பது குறித்து மிகத்தெளிவாக தெரியும் வரை அவுஸ்திரேலிய பிரதமர் சீனாவிற்கு விஜயம் மேற்கொள்ளக்கூடாது.
தடைகள் நீக்கப்படலாம் என தெளிவாக தெரிந்த பின்னரே அவுஸ்திரேலிய பிரதமர் சீனாவிற்கு செல்லவேண்டும்.சீனா அவுஸ்திரேலியா குறித்த தனது உறுதிமொழிகளை கடந்தகாலத்தில் தெளிவாக மீறியுள்ளது.
சீன அவுஸ்திரேலிய உடன்படிக்கையின் கீழான தனது கடப்பாடுகளையும் சீனா மீறியுள்ளது’ என்றும் சைமன் பேர்மிங்காம குறிப்பிட்டுள்ளார்.
2020ம் ஆண்டு சீனா மற்றும் அவுஸ்ரேலியாவிற்கு இடையே இராஜதந்திர உறவுகள் மோசமாக பாதிக்கப்பட்டவேளை, சீனா அவுஸ்திரேலியாவின் பார்லி மீது தடைகளை
விதித்திருந்தமை குறிப்பிடத்தக்கது.
