நியூசிலாந்துக்கு எதிரான டெஸ்ட் போட்டியில் இலங்கை வெற்றி பெற்றதன் பின் உலக டெஸ்ட் சம்பியன்ஷிப் புள்ளிப்பட்டியலில் மூன்றாமிடத்துக்கு முன்னேறியுள்ளது.
இந்த பட்டியலில் இந்தியா (71.67 சதவீதம்) முதல் இடத்திலும், அவுஸ்திரேலியா (62.50 சதவீதம்) இரண்டாம் இடத்திலும் தொடர்கின்றன. நியூசிலாந்துக்கு எதிராக வெற்றி பெற்ற இலங்கை (50.00 சதவீதம்) ஒரு இடம் உயர்ந்து 3வது இடத்திற்கு வந்துள்ளது. தோல்வியை சந்தித்த நியூசிலாந்து (42.86 சதவீதம்) ஒரு இடம் சரிந்து 4வது இடத்திற்கு சென்றுள்ளது.
5வது இடத்தில் இங்கிலாந்தும் (42.19 சதவீதம்), 6வது இடத்தில் பங்களாதேஷூம் (39.29 சதவீதம்) உள்ளன. 7 முதல் 9 இடங்களில் முறையே தென்னாபிரிக்கா (38.89 சதவீதம்), பாகிஸ்தான் (19.05 சதவீதம்), வெஸ்ட் இண்டீஸ் (18.52 சதவீதம்) அணிகள் உள்ளன.
