அமெரிக்காவின் 47ஆவது ஜனாதிபதியாக குடியரசுக் கட்சியைச் சேர்ந்த டொனால்ட் டிரம்ப் மீண்டும் தெரிவு செய்யப்பட்டுள்ளார்.அமெரிக்க ஜனாதிபதி ஜோ பைடன் மற்றும் துணை ஜனாதிபதியான கமலா ஹாரிஸ் ஆகியோர் ட்ரம்பிற்கு வாழ்த்து தெரிவித்தனர்.
ஜனாதிபதியாகத் தெரிவு செய்யப்பட்டுள்ள ட்ரம்பிற்கு வாழ்த்து தெரிவித்ததோடு வெள்ளை மாளிகையில் வந்து சந்திக்குமாறு ஜனாதிபதி ஜோ பைடன் அழைப்பு விடுத்திருந்தார். இந்நிலையில் அமெரிக்க ஜனாதிபதி ஜோ பைடனும் ஜனாதிபதியாகத் தெரிவு செய்யப்பட்டுள்ள டொனால்ட் ட்ரம்பும் நேற்று சந்தித்தனர்.
இந்தச் சந்திப்பு வெள்ளை மாளிகையில் உள்ள ஓவல் அலுவலகத்தில் இடம்பெற்றது. 4 ஆண்டுக்குப் பின்னர் முதல் முறையாக வெள்ளை மாளிகைக்கு ட்ரம்ப் சென்றுள்ளமை குறிப்பிடத்தக்கது.
