திருகோணமலை துப்பாக்கி சூட்டு சம்பவத்தில் இருவர் படுகாயமடைந்த சம்பவம் ஒன்று இடம்பெற்றுள்ளது.
திருகோணமலை குச்சவெளி பொலிஸ் பிரிவிற்குட்பட்ட பகுதியில் மோட்டார் சைக்கிளில் இருவரும் பயணித்துக்கொண்டிருந்தபோது இச்சம்பவம் இடம்பெற்றதாக தெரிவிக்கப்பட்டுள்ளது.
இந்நிலையில் படுகாயமடைந்த இருவரும் திருகோணமலை பொது வைத்தியசாலையில் இன்று அதிகாலை அனுமதிக்கப்பட்டுள்ளதாக தெரிவிக்கப்படுகிறது.
இவ்வாறு துப்பாக்கிச் சூட்டு சம்பவத்தில் காயமடைந்தவர்கள் குச்சவெளி வடலிக்குளம் பகுதியைச் சேர்ந்த 17வயதுடைய ஏ.அஸ்மி, 21வயதுடைய ஐ.அஸ்கான் ஆகிய இருவருமே காயமடைந்துள்ளனர்.
துப்பாக்கி சூடு சம்பவம் தொடர்பில் குச்சவெளி பொலிஸார் விசாரணைகளை மேற்கொண்டு வருகின்றனர்.
