சிறுத்தை புலியை உயிருடன் பிடிக்க எடுத்த நடவடிக்கை தோல்வி!

நுவரெலியா ஹட்டன் பொலிஸ் பிரிவிற்குட்பட்ட டிக்கோயா வனராஜா சமர்வீல் தோட்டப் பகுதியில் உள்ள மரம் ஒன்றில் இருந்து மீட்கப்பட்ட சிறுத்தை புலி உயிர்ழந்துள்ளதாக நல்ல தண்ணி வனவிலங்கு அதிகாரிகள் தெரிவித்துள்ளனர்.
இனந்தெரியாத நபர்களால் விரிக்கப்பட்ட கம்பிகளை கொண்ட வலையில் சிக்குண்ட குறித்த சிறுத்தை புலி,
அருகாமையில் உள்ள மரம் ஒன்றில் ஏறிய நிலையில், மரத்தில் சிக்கியது.
மரத்தில் சிறுத்தை புலி இருந்ததை இனங்கண்ட பொதுமக்கள் ஹட்டன் பொலிஸாருக்கு தகவல் வழங்கினர்.
சம்பவ இடத்திற்கு நல்லதண்ணி வனவிலங்கு அதிகாரிகளும் வருகை தந்தனர்.
வனவிலங்கு அதிகாரிகளின் பணிப்புரைக்கு அமைய பொதுமக்களின் உதவியோடு மரத்தில் இருந்த சிறுத்தை புலி மீட்கப்பட்டது.
சிறுத்தைப் புலி மீட்கப்பட்ட போதும், அது உயிரிழந்துவிட்டதாக வனவிலங்கு அதிகாரிகள் தெரிவித்துள்ளனர்.
இந்தச் சம்பவம் தொடர்பில் ஹட்டன் பொலிஸார் விசாரணைகளை முன்னெடுத்து வருகின்றனர்.