நெல்சன் இயக்கத்தில் நடிகர் விஜய், பூஜா ஹெக்டே, செல்வராகவன் உள்ளிட்டோர் நடிப்பில் உருவான பீஸ்ட் திரைப்படமானது சன் பிக்சர்ஸ் தயாரிப்பில் 2022ஆம் ஆண்டு ஏப்ரல் 13ஆம் திகதி வெளியாகி கலவையான விமர்சனங்களைப் பெற்றது.
சமூக வலைதளங்களில் நடிகர் விஜய் க்ளைமாக்ஸில் ஜெட்டில் போகும்போது மாஸ்கை கழட்டிவிட்டு வணக்கம் வைக்கும் காட்சியை வைத்து இயக்குநர் நெல்சனை கிண்டல் செய்து வந்தனர்.
தற்போது இந்திய பிரதமர் மோடி பொதுத் துறை நிறுவனமான ஹிந்துஸ்தான் ஏரோனாடிக்ஸ் நிறுவனத்தை கடந்த சனிக்கிழமை(25) பாா்வையிட்ட பிறகு தேஜஸ் விமானத்தில் மோடி பயணித்தார். இந்த காணொளிகள் இணையத்தில் வைரலானதில் பிரதமர் மோடி மாஸ்கினை கழட்டி கை அசைத்து வருவார். இதைத் தொடர்ந்து சமூக வலைதளங்களில் இயக்குநர் நெல்சனிடம் ரசிகர்கள் மன்னிப்புக் கோரி வருகின்றனர்.
