பதுளை – கொழும்பு பிரதான வீதியின் போக்குவரத்து பாதிப்பு

பதுளை – கொழும்பு பிரதான வீதியின் ஹப்புத்தளை பகுதியில் மண்மேடு சரிந்து வீழ்ந்துள்ளமையினால் குறித்த வீதியூடான போக்குவரத்து பாதிக்கப்பட்டுள்ளது.ஹப்புத்தளை – பெரகலை உள்ளிட்ட பகுதிகளில் மண்மேடு சரிந்து விழும் அபாயம் தொடர்ந்தும் நிலவுவதாக தெரிவிக்கப்பட்டுள்ளது.அத்துடன் மறுஅறிவித்தல் வரை குறித்த வீதியில் பயணிக்க வேண்டாம் எனவும் மண்சரிவு ஏற்பட்ட இடங்களை பார்வையிடுவதை தவிர்க்குமாறும் பொதுமக்களை பொலிஸார் அறிவுறுத்தியுள்ளனர்.இதேவேளை, ஹப்புத்தளை-பெரகலை வீதியின் வியாரகலை பகுதியில் மற்றுமொரு மண்மேடு சரிந்து வீழ்ந்துள்ளதாகவும் தெரிவிக்கப்படுகிறது.