பந்துவீச்சில் மிரட்டிய சென்னை- அடுத்த சுற்றுக்கு முன்னேறி அசத்தல்

தீர்மானம் மிக்க போட்டியில் டெல்லியை வீழ்த்திய சென்னை அணி அடுத்த சுற்றுக்குள் நுழைந்துள்ளது.
நாணயற் சுழற்சியில் வெற்றியீட்டிய சென்னை, முதலில் துடுப்பெடுத்தாடத் தீர்மானித்தது.
ஆரம்பத்து துடுப்பாட்ட வீரர்களின் பலமாக ஆட்டத்தின் மூலம் 20 பந்துப் பரிமாற்ற நிறைவில் 3 இலக்குகளை மாத்திரம் இழந்து 223 ஓட்டங்களை சென்னை அணி குவித்தது.
224 என்கின்ற இமாலய இலக்கு நோக்கித் துடுப்பெடுத்தாடிய டெல்லி அணிக்கு, வோர்ணர் மாத்திரம் நம்பிக்கையளித்தார்.
ஏனைய வீரர்கள் சென்னை அணியின் பந்து வீச்சுக்கு முகங்கொடுக்க முடியாது ஆட்டமிழந்து வெளியேற, 20 பந்துப் பரிமாற்றங்கள் நிறைவில் 9 இலக்குகளை இழந்து 146 ஓட்டங்களை மாத்திரம் டில்லி பெற்றுக்கொண்டது.
77 ஓட்டங்கள் வித்தியாசத்தில் அபார வெற்றி பெற்ற சென்னை, அடுத்த சுற்றுக்குள் நுழைந்தது.