யாழ்ப்பாண மாவட்டத்தில் பாணின் விலையில் மாற்றம் ஏற்படாது என்று யாழ். மாவட்ட கூட்டுறவு வெதுப்பக உற்பத்தியாளர் சங்க தலைவர் க. குணரட்ணம் தெரிவித்துள்ளார்.
ஒரு இறாத்தல் பாணின் விலை 10 ரூபாயால் குறைவடையும் என்று அகில இலங்கை வெதுப்பக உரிமையாளர் சங்கம் அறிவித்துள்ளது. இந்நிலையில், யாழ்ப்பாணம் மாவட்டத்தில் பாணின் விலை தொடர்பா அவரிடம் கேட்டபோது,
“கொழும்பு உட்பட நாட்டின் பல பகுதிகளில் பாணின் விற்பனை விலை 250 ரூபாய் வரை விற்கப்படுகிறது. இதனால், அவர்கள் 10 ரூபாய் குறைத்து தற்போது விற்பனை செய்வதாக அறிவித்துள்ளனர். ஆனால், நாங்கள் யாழ். மாவட்டத்தில் பாணின் விலை 200 ரூபாய்க்கு விற்கப்படுகிறது. எனவே, 10 ரூபாய் குறைக்க முடியாது. இதனை பொதுமக்கள் விளங்கிக் கொள்ள வேண்டும் – என்றார்.
