இந்தியாவின் தலைநகர் புதுடெல்லியில் மீண்டும் இன்று (14) காலை முதல் வளி மாசடைந்துள்ளதாகத் தெரிவிக்கப்பட்டுள்ளது. புது டெல்லியின் பல நகரங்கள் அடர்ந்த புகை மூட்டத்தால் சூழப்பட்டுள்ளதாக இந்தியத் தகவல்கள் தெரிவிக்கின்றன.
இதன்படி இன்று காலை டெல்லியின் வளி மாசு சுட்டெண் 432 புள்ளியாகக் காணப்பட்டதாக இந்தியத் தகவல்கள் தெரிவிக்கின்றன.டெல்லியிலிருந்து புறப்படும் சில விமானங்கள் புறப்படுவதில் தாமதம் ஏற்பட்டுள்ளதாக வெளிநாட்டு ஊடகங்கள் தெரிவிக்கின்றன.சுவாசக்கோளாறு உள்ளவர்கள் நோயாளர்கள் மற்றும் சிறுவர்கள் காற்றின் தரம் குறித்து அவதானத்துடன் செயற்படுமாறு அறிவுறுத்தப்பட்டுள்ளனர்.
