புத்தளம், கற்பிட்டி, குடாவ கடற்கரை பகுதியில், படகு மூலம் சட்டவிரோதமாகக் கொண்டுவரப்பட்ட பீடி இலைகளுடன், சந்தேக நபர் ஒருவர், நேற்று கடற்படையினரால் கைது செய்யப்பட்டுள்ளார்.
கடல் வழியாக இடம்பெறும் சட்டவிரோத நடவடிக்கைகளைக் கண்காணிப்பதற்காக, கடற்படையினால் மேற்கொள்ளப்பட்ட சுற்றிவளைப்பு நடவடிக்கையின் போது, கற்பிட்டி பகுதியில் வசிக்கும் 30 வயதான நபர் கைது செய்யப்பட்டுள்ளார்.
சந்தேக நபரிடம் இருந்து, 6 பொதிகளில் 189 கிலோ கிராம் பீடி இலைகளும், படகு ஒன்றும் கைப்பற்றப்பட்டுள்ளது.
