பொலிஸ் திணைக்களத்திற்கு தனியான சம்பள கட்டமைப்பு ஒன்றை உருவாக்குவதற்கான நடவடிக்கைகள் எடுக்கப்பட்டு வருவதாக பொது பாதுகாப்பு அமைச்சர் ஆனந்த விஜயபால தெரிவித்தார். இன்று (28) பாராளுமன்றத்தில் கருத்து தெரிவிக்கும் போது, அதற்காக தற்போது திட்டங்கள் தயாரிக்கப்பட்டுள்ளதாக அவர் கூறினார்.
அத்துடன், எந்தவொரு பொலிஸ் அதிகாரியின் அல்லது அரச ஊழியரின் சம்பளத்தையும் குறைக்கவில்லை எனவும், பல வருடங்களுக்குப் பின்னர் அடிப்படை சம்பளத்தை உயர்த்துவதற்கு நடவடிக்கை எடுக்கப்பட்டுள்ளதாகவும் அமைச்சர் தெரிவித்தார்.
‘தற்போது ஒரு பொலிஸ் கான்ஸ்டபிளின் அடிப்படை சம்பளம் 29,540 ரூபாய் ஆகும். இது இந்த வருடம் 44,293 ஆக உயரும். இது இந்த வருடம் 6,182 ரூபாயால் உயர்கிறது. ஒரு பொலிஸ் சார்ஜன்ட்டுக்கு 6,441.54 ரூபாய், ஒரு SI-க்கு 6,551.72 ரூபாய், ஒரு IP-க்கு 7,040.24 ரூபாய், ஒரு CI-க்கு 7,655.74 ரூபாய், ஒரு ASP-க்கு 8,244.11 ரூபாய், SP,SSP-க்கு 9,925 ரூபாய், DIG, சீனியர் DIG-க்கு 11,118 ரூபாய், IGP-க்கு 13,223 ரூபாய் என இந்த வருடம் அதிகரிக்கிறது.
மேலும், ஒரு பொலிஸ் கான்ஸ்டபிளின் தற்போதைய அடிப்படை சம்பளம் 29,540 ரூபாய், இது இந்த வருடம் 44,293 ஆகவும், 2026இல் 46,921 ஆகவும், 2027இல் 49,550 ஆகவும் உயரும். தற்போது அடிப்படை சம்பளம் 29,540 ரூபாயாக இருக்கும் போது, 2027ஆம் ஆண்டில் அது 49,550 ரூபாயாக உயரும். அதேபோல், இதனுடன் தொடர்புடைய ஏனைய கொடுப்பனவுகளும் அதிகரிக்கும்.’
