மட்டக்களப்பு இருதயபுரம் மேற்கு அருள்மிகு ஸ்ரீ பால முருகன் ஆலய வருடாந்த அலங்கார மஹோற்சவ பெருவிழா சத்துருக்கொண்டான் தாமரை தீர்த்த தடாகத்தில் இடம்பெற்ற தீர்த்த உற்சவத்துடன் நிறைவு பெற்றது.மஹோற்சவத்தின் பெருவிழா இன்று இடம்பெற்ற நெல்லுக்குத்தும் சடங்குடன் தீர்த்தோற்சவம் இடம்பெற்று அலங்காரஉற்சவப்பெருவிழா நிறைவுபெற்றது.
ஆலய பிரதம குரு சிவஸ்ரீ .சிவத்திரு .ல . சதுரசன் சர்மா குருக்கள் தலைமையில் கடந்த 02 ஆம் திகதி கொடி ஏற்றத்துடன் ஆரம்பமான வருடாந்த திருவிழாவில் கடந்த எட்டு தினங்கள் தினமும் விசேட தீபாராதனை பூஜைகள் வசந்தமண்டபபூஜைகள் இடம்பெற்று தொடர்ந்து சுவாமி உள்வீதி,வெளி வீதி யுலாவருதல் இடம்பெற்றது .இருதயபுரம் மேற்கு அருள்மிகு ஸ்ரீ பால முருகன் ஆலயத்தின் உற்சவகால குரு ஈசான சிவாசாரியார் சிவஸ்ரீ .லவகுமார் குருக்களின் தலைமையில் இன்று காலை விநாயகர் வழிபாடுகளுடன் விசேட அபிசேக தீபாராதனை இடம்பெற்று தொடர்ந்து வசந்த மண்டப பூஜையுடன் சுவாமி தீர்த்தோற்சவத்திற்காக ஆலயத்திலிருந்து புறப்பட்டு அடியார்கள் புடைசூழவேத,நாத,மேளங்களுடன் அடியார்களின் ஆரோகரா கோஷங்களுடன் சத்துருக்கொண்டான் தாமரை தீர்த்த தடாகத்தில் தீர்த்தோற்சவம் நடைபெற்றது
தீர்த்தோற்சவ நிகழ்வினை தொடர்ந்து சுவாமி வழமையான வீதி ஊடாக வீதி உலா சென்று ஆலயத்தை வந்தடைந்ததும் திருபொன்னுஞ்சல், மகேஸ்வர பூசையுடன் அடியார்களுக்கு அன்னதானம் வழங்கப்பட்டு ஆலய வருடாந்த அலங்கார உற்சவப் பெருவிழா சிறப்பாக நிறைவு பெற்றது.
