வியட்னாமில் சர்வதேச காற்பந்தாட்டப் போட்டி எதிர்வரும் மூன்று தினங்கள் நடைபெறுகின்றது. இதில் 12 மற்றும் 14 வயதிற்குட்பட்ட அணிகளில் கிளிநொச்சியைச் சேர்ந்த மூன்று வீரர்கள் இடம்பிடித்துள்ளனர்.
14 வயதிற்குட்பட்ட ‘ஏ’ அணிக்கு கிளிநொச்சி ஈகிள் ஸ்டார் விளையாட்டு கழகத்தின் வீரர் ரா. யதுசன் தலைமை தாங்குகின்றார்.
அதேபோன்று 14 வயதிற்குட்பட்ட ‘ஏ’ அணியில் கிளிநொச்சி வீரர் ஒருவரும் 12 வயதிற்குட்பட்ட அணியில் கிளிநொச்சி வீரர் ஒருவரும் இடம்பிடித்துள்ளனர். இதனிடையே சர்வதேச காற்பந்தாட்டப் போட்டி எதிர்வரும் 19, 20, மற்றும் 21 ஆம் திகதிகளில் வியட்னாமில் நடைபெறுவதுடன் 10 நாடுகளைச் சேர்ந்த அணிகள் போட்டிகளில் பங்கேற்கின்றன. இதேவேளை இம்முறை போட்டிகளில் இலங்கை அணி முதன்முறையாக பங்கேற்கின்றமை குறிப்பிடத்தக்கது.
