இந்திய சீனியர் கிரிக்கெட் அணி இந்தியாவில் விளையாடும் கிரிக்கெட் தொடர்பான அட்டவணையை பி.சி.சி.ஐ வெளியிட்டுள்ளது.
முதலில் மேற்கிந்திய தீவுகள் ஒக்டோபர் மாதம் இந்தியா செல்கிறது. ஒக்டோபர் 2ஆம் திகதியிலிருந்து ஒக்டோபர் 15ஆம் திகதி வரை இரண்டு டெஸ்ட் போட்டிகள் கொண்ட தொடரில் விளையாடுகிறது.
அதன்பின் நவம்பர் மாதம் இந்தியா செல்லும் தென்னாப்பிரிக்கா அணி இரண்டு டெஸ்ட், 3 ஒருநாள் மற்றும் ஐந்து ரி20 போட்டிகள் கொண்ட தொடர்களில் விளையாடுகிறது.
டெஸ்ட் தொடர் நவம்பர் 14ஆம் திகதி முதல் 26ஆம் திகதி வரை நடைபெறுகிறது. ஒருநாள் தொடர் நவம்பர் 30ஆம் திகதி தொடங்கி டிசம்பர் 6ஆம் திகதி வரை நடக்கிறது. ரி20 தொடர் 9ஆம் திகதி தொடங்கி 19ஆம் திகதி வரை நடைபெறவுள்ளமை குறிப்பிடத்தக்கது.
