பாகிஸ்தான் முன்னாள் பிரதமர் இம்ரான் கான் இன்று கைது செய்யப்படலாம்பாகிஸ்தான் தெஹ்ரீக்-இ-இன்சாப் (பிடிஐ) தலைவர் இம்ரான் கானை கைது செய்ய இஸ்லாமாபாத் நீதிமன்றங்கள் உத்தரவிட்டதைத் தொடர்ந்து, முன்னாள் பிரதமரை கைது செய்ய இஸ்லாமாபாத் பொலிஸார் அடுத்த 24 மணி நேரத்தில் ஜமான் பூங்காவிற்குச் செல்வார்கள் என்று ஜியோ நியூஸ் தெரிவித்துள்ளது.
பெடரல் தலைநகரில் உள்ள நீதிமன்றத்தைச் சேர்ந்த பெண் நீதிபதியை மிரட்டிய வழக்கில் இஸ்லாமாபாத்தில் உள்ள செஷன்ஸ் நீதிமன்றம் கானுக்கு ஜாமீனில் வெளிவர முடியாத கைது வாரண்ட்களை பிறப்பித்தது குறிப்பிடத்தக்கது.
ஆகஸ்ட் 20 அன்று F-9 பூங்காவில் நடந்த பேரணியில்,பொலிஸ் அதிகாரிகள் மற்றும் நீதித்துறையை “அச்சுறுத்தும் வகையில் ” ஜூடிசியல் மாஜிஸ்திரேட் ஜெபா சவுத்ரி மற்றும் பொலிஸ் துறை அதிகாரிகளை மிரட்டியதற்காக இம்ரான் கான் மீது வழக்கு பதிவு செய்யப்பட்டுள்ளதாக ஜியோ நியூஸ் தெரிவித்துள்ளது.
