மஹரகம அபேக்ஷா வைத்தியசாலையில் செயலிழந்த கதிரியக்க உபகரணங்களை திருத்தும் பணிகள் ஆரம்பம்

மஹரகம அபேக்ஷா வைத்தியசாலையில் செயலிழந்த கதிரியக்க உபகரணங்களை சீர்செய்யும் பணிகள் ஆரம்பிக்கப்பட்டுள்ளதாக வைத்தியசாலையின் பணிப்பாளர் வைத்தியர் அருண ஜயசேகர உறுதிப்படுத்தியுள்ளார்.இந்த மருத்துவமனையில் தற்போது கதிர்வீச்சு சிகிச்சை தேவைப்படும் 300 நோயாளிகள் தினமும் சிகிச்சை பெறுகின்றனர். மஹரகம வைத்தியசாலையில் 5 கதிரியக்க இயந்திரங்கள் பொருத்தப்பட்டுள்ளன. இயந்திரத்தின் பழுதுபார்க்கும் பணிகள் ஏறக்குறைய ஒரு வாரத்திற்குள் நிறைவடையும் என எதிர்பார்க்கப்படுவதாகவும் தெரிவித்தார்.இதேவேளை, பதுளை போதனா வைத்தியசாலையில் இயங்காத CT ஸ்கேன் இயந்திரத்தை திருத்துவதற்கான ஏற்பாடுகள் சுகாதார அமைச்சுக்கு கிடைத்துள்ளது. பயோமெடிக்கல் இன்ஜினியரிங் சர்வீசஸ் பிரிவு மறுசீரமைப்பு பணிகளை மேற்கொள்ளும் என அமைச்சு தெரிவித்துள்ளது.பதுளை வைத்தியசாலையில் CT ஸ்கேன் இயந்திரம் பழுதடைந்தமையினால் நோயாளர்கள் சிரமங்களை எதிர்நோக்கியுள்ளதால் மொனராகலை அல்லது நுவரெலியா வைத்தியசாலைகளில் மாற்றுத் தெரிவுகளை நாட வேண்டிய நிலை ஏற்பட்டுள்ளது.