இந்த ஆண்டு தேசிய வெசாக் பண்டிகை நுவரெலியாவில் மலையக மக்களுடன் இணைந்து கொண்டாடப்படும் என்று பௌத்த விவகார மத மற்றும் கலாசார அலுவல்கள் அமைச்சர் ஹினிதும சுனில் செனவி பாராளுமன்றத்தில் தெரிவித்துள்ளார். வரவிருக்கும் வெசாக் பண்டிகைக்காக நாங்கள் 12 மில்லியன் ரூபாய் ஒதுக்கியுள்ளோம். இந்த ஆண்டு தேசிய வெசாக் விழா நுவரெலியாவில் நடைபெறவுள்ளது. இந்த ஆண்டு வெசாக் பண்டிகையின் தேசிய கருப்பொருள் ‘பழைய நண்பர்களுடன் ஒன்றுபடுதல்’ என்றும் அமைச்சர் குறிப்பிட்டுள்ளார்.
