ஈரான் நாட்டின் தலைநகர் தெஹ்ரான் மற்றும் சுற்றுவட்டார பகுதிகளில் கடந்த 2 நாட்களாக மிகக்கனமழை கொட்டித் தீர்த்தது.
தெஹ்ரான், ஈரான் நாட்டின் தலைநகர் தெஹ்ரான் மற்றும் சுற்றுவட்டார பகுதிகளில் கடந்த 2 நாட்களாக மிகக்கனமழை கொட்டித் தீர்த்தது. அதில் ஏற்பட்ட பெரு வெள்ளத்தில் சிக்கி 24 பேர் பலியாகினர் என்றும் 19 பேரின் நிலை என்ன என்று தெரியவில்லை என அந்நாட்டு அரசு தெரிவித்துள்ளது. ஈரானில் மேலும் சில நாட்களுக்கு கனமழை பெய்யக்கூடும் என அந்நாட்டு வானிலை ஆய்வு மையம் எச்சரிக்கை விடுத்திருந்த நிலையில், கடந்த 2 நாட்களாக பெய்த மிகக் கனமழையால் இயல்பு வாழ்க்கை முடங்கியுள்ளது. காணாமல் போனவர்களை தேடும் பணி தீவிரப்படுத்தப்பட்டுள்ளது என்று அரசு தெரிவித்துள்ளது. கடந்த சில தினங்களுக்கு முன்னர் அங்கு கனமழை பெய்தது. குறிப்பாக இஸ்டபென் நகரில் கனமழை கொட்டித்தீர்த்தது. கனமழை காரணமாக அந்நகரில் உள்ள ரவுட்பெல் ஆற்றில் திடீரென வெள்ளப்பெருக்கு ஏற்பட்டது. இதனால், ஆற்றின் கரையோரம் அமைந்துள்ள குடியிருப்புகள், சாலைகளில் வெள்ள நீர் சூழ்ந்தது. இந்நிலையில், இந்த திடீர் வெள்ளப்பெருக்கில் சிக்கி 17 பேர் உயிரிழந்துள்ளனர். மேலும், சிலர் படுகாயமடைந்தனர் என்பது குறிப்பிடத்தக்கது.

சுத்தமான சூழலில் வாழ்வது அடிப்படை உரிமை என்ற தீர்மானம் ஐ.நா பொது சபையில் நிறைவேற்றப்பட்டுள்ளது.
ஜெனீவா, சுத்தமான சூழலில் வாழ்வது அடிப்படை உரிமை என்று ஐ.நா பொது சபையில் தீர்மானம் நிறைவேற்றப்பட்டுள்ளது. ஓர் எதிர்ப்பும் இல்லாமல் இந்த தீர்மானம் ஐ.நா பொதுச் சபையில் நிறைவேற்றப்பட்டுள்ளது. இந்த தீர்மானத்தற்கு 161 நாடுகள் ஆதரவு அளித்தன. ஒரு நாடு கூட எதிர்ப்பு தெரிவிக்கவில்லை. சீனா, ஈரான், ரஷ்யா கூட்டமைப்பு உள்ளிட்ட நாடுகள் இதில் கலந்து கொள்ளவில்லை. இந்த தீர்மானத்தின்படி சுத்தமான, பாதுகாப்பான, ஆரோக்கியமான ஒரு சூழலில் வாழ்வது என்பது ஓர் அடிப்படை மனித உரிமையாக மாற்றப்பட்டுள்ளது. இந்த தீர்மானத்தின்படி காலநிலை மற்றும் சுற்றுச்சூழல் தொடர்பான பிரச்சினைகளுக்கு உலக அளவில் ஒரு தீர்வு கிடைக்க வாய்ப்பு உள்ளது. குறிப்பாக, இந்த தீர்மானத்தின்படி ஐ.நா. சபை உறுப்பு நாடுகள் சுற்றுச்சூழலை பாதுகாத்து, காலநிலை மாற்றத்தை தடுத்து சுத்தமான, பாதுகாப்பான, ஆரோக்கியமான ஒரு சூழலிலை எற்படுத்தி கொடுக்க வேண்டும் என்பது குறிப்பிடத்தக்கது.

சிரியாவின் ஸ்வேய்டா மாகாணத்தில் உள்ளூா் ஆயுதக் குழுக்களுக்கும் அரசு ஆதரவுப் படையினருக்கும் இடையே நடைபெற்ற மோதலில் 27 போ் பலியாகினா்.
கடந்த 2011-ஆம் ஆண்டு தொடங்கிய உள்நாட்டுப் போரின்போது கூட அமைதி நிலவிய அந்த மாகாணத்தில், வன்முறைச் சம்பவங்கள் மிகவும் அரிதானதாகும். எனினும், சாலைகளில் பணம் வசூலித்தல், பணத்துக்காக ஆள்களைக் கடத்துதல் போன்ற செயல்களில் அரசு ஆதரவுப் படையினா் ஈடுபட்டு வந்தது பொதுமக்களை கொதிப்படையச் செய்தது.
இந்தச் சூழலில், பொதுமக்களில் ஒருவரை அரசு ஆதரவுப் படையினா் அண்மையில் கைது செய்தனா். அதையடுத்து உள்ளூா் ஆயுதக் குழுவினருக்கும் அரசு ஆதரவுப் படையினருக்கும் இடையே மோதல் வெடித்தது. இதில் 27 போ் உயிரிழந்தனா்.
இரு குழுக்களுக்கும் இடையே அமைதியை ஏற்படுத்தும் முயற்சியில் அதிகாரிகள் ஈடுபட்டுள்ளனா்.

ஆப்கனில் சர்வதேச கிரிக்கெட் மைதானத்தில் நிகழ்ந்த குண்டுவெடிப்பு சம்பவத்தில் நால்வர் படுகாயம் அடைந்தனர்.
ஆப்கன் தலைநகர் காபூலில் உள்ள சர்வதேச கிரிக்கெட் மைதானத்தில் ஷ்பகேஸா டி20 லீக் தொடர் நடைபெற்று வருகிறது. இன்று நடைபெற்ற போட்டியில் பேண்ட் இ அமிர் டிராகன்ஸ், பாமிர் சால்மி அணிகள் விளையாடிக்கொண்டிருந்தன.
அப்போது மைதானத்தில் திடீரென குண்டுவெடிப்பு சம்பவம் நிகழ்ந்தது.
இதனால் வீரர்கள், பார்வையாளர்கள் உள்ளிட்டோர் அச்சமடைந்தனர். உடனடியாக மைதானத்தில் இருந்த அனைவரும் பாதுகாப்பான இடத்துக்கு அப்புறப்படுத்தப்பட்டனர். இருப்பினும், இச்சம்பவத்தில் ரசிகர்கள் 4 பேர் படுகாயமடைந்துள்ளனர்.
இதனிடையே வீரர்கள், போட்டி அமைப்பாளர்கள் நலமுடன் இருப்பதாக ஆப்கானிஸ்தான் கிரிக்கெட் வாரிய வட்டாரம் தகவல் தெரிவித்துள்ளது. தாக்குதல் நடந்தபோது ஐக்கிய நாடுகள் சபையின் அதிகாரிகள் மைதானத்தில் இருந்தனர் என்பது குறிப்பிடத்தக்கது

பிரிவினைவாதிகளின் கட்டுப்பாட்டில் உள்ள டொனெட்ஸ்க் ஒலெனிவ்காவில் உள்ள சிறைச்சாலையில் உக்ரேனியப் படைகள் நடத்திய ரொக்கட் தாக்குதலில் 40 உக்ரேனிய போர் கைதிகள் கொல்லப்பட்டதாக ரஷ்யாவின் பாதுகாப்பு அமைச்சகம் தெரிவித்துள்ளது. மேலும் 75 பேர் காயமடைந்ததாக அதிகாரிகள் குற்றம் சாட்டினர். அத்துடன் இத்தாக்குதல்கள் அமெரிக்கா வழஙகிய ஹிமார்ஸ் பீரங்கிகள் மூலம் தாக்குதல் நடத்தப்பட்டதாகவும் ரஷ்யா தெரிவித்துள்ளது.
இத்தாக்குதலை உக்ரைன் இராணுவம் மறுத்துள்ளது. அத்துடன் இத்தாக்குதலை ரஷ்யாவே நடத்தியதாக குற்றம் சாட்டியது. அந்த இடத்தில் சித்திரவதை செய்யப்பட்டதற்கான ஆதாரங்களை மறைக்க ரஷ்யா முயல்வதாக உக்ரைன் கூறியது.