இலங்கைத் தமிழரசுக் கட்சியின் அரசியல் குழுக்கூட்டம் வவுனியா ஈரற்பெரியகுளத்தில் அமைந்துள்ள தனியார் விருந்தினர் விடுதியில் தற்போது இடம்பெற்றுவருகின்றது.
கட்சியின் தலைவர் மாவை சேனாதிராஜா தலைமையில் இடம்பெற்று வரும் இக்கூட்டத்தில் சி.வி.கே.சிவஞானம் பாராளுமன்ற உறுப்பினர்களான சிவஞானம் சிறிதரன் குகதாசன் இரா.சாணக்கியன் மற்றும் முன்னாள் பாராளுமன்ற உறுப்பினர்களான எம்.எ.சுமந்திரன் த.கலையரசன் துரைராஜசிங்கம் குலநாயகம் மற்றும் செயலாளர் ப.சத்தியலிங்கம் ஆகியோரும் கலந்து கொண்டுள்ளனர்.
இதேவேளை குறித்த கூட்டத்தில் தமிழரசுக் கட்சிக்கு நாடாளுமன்றத் தேர்தலில் கிடைக்கப் பெற்ற தேசிய பட்டியல் ஆசனம் யாருக்கு வழங்க வேண்டும் என்பது தொடர்பான முடிவுகள் எடுக்கப்பட உள்ளதாகத் தெரிவிக்கப்படுகின்றது.
