மருத்துவப் பொருட்களை கொள்வனவு செய்வதற்கு சுகாதார அமைச்சு திட்டம்

இலங்கைக்கு மருத்துவப் பொருட்களை அவசரமாக கொள்வனவு செய்வதற்கு சுகாதார அமைச்சு திட்டமிட்டுள்ளது. 130 மில்லியன் அமெரிக்க டொலர் இந்தியக் கடன் வசதியின் கீழ் மருந்துகளைப் பெறுவதில் தாமதம் ஏற்பட்டதை அடுத்தே இந்த திட்டம் முன்னெடுக்கப்படுகிறது. இதன்படி சுமார் 300 மருந்துகளின் பட்டியலை சுகாதார அமைச்சு தயாரித்து வருகிறது. இந்திய விநியோகஸ்தர்களை கண்டறிவதில் உள்ள சிரமம், இலங்கையில் விநியோகஸ்தர்களை பதிவு செய்வதில் ஏற்பட்ட தாமதம் ஆகியனவே இந்திய கடன் வசதியில் மருந்தை கொள்வனவு செய்தில் ஏற்பட்டுள்ள முட்டுக்கட்டைக்கான காரணங்கள் என்று தெரிவிக்கப்பட்டுள்ளது. இந்தநிலையில் அவசர நடவடிக்கையாக அரச மருந்துக் கூட்டுத்தாபனம், இந்த அத்தியாவசிய மருந்துகளை கொள்வனவு செய்யுமாறு அறிவுறுத்தல்கள் வழங்கப்பட்டுள்ளன.