முன்னாள் மனைவிக்கு நடிகருடன் நிச்சயதார்த்தம்…! வாழ்த்து சொன்ன எலான் மஸ்க்

எலான் மஸ்க் வாழ்க்கையில் என்ன நடந்தாலும் பரபரப்பு தான். என்ன செய்தாலும் பரபரப்புதான்.கடந்த ஆண்டு ஒக்டோபரில் 44 பில்லியன் டொலர்கள் செலவழித்து டுவிட்டரை எலான் மஸ்க் வாங்கினார்.அதன்பிறகு இந்த டுவிட்டரை தனக்கே உரிய பாணியில் பல மாற்றங்களை செய்து செய்திகளில் இடம்பிடித்தார்.

மேலும் தற்போது டுவிட்டர் தனது பெயரையும் லோகோவையும் மாற்றி அதிர்ச்சியை கொடுத்துள்ளது.இனி டுவிட்டர் X என அழைக்கப்படும். லோகோவும் நீல பறவையிலிருந்து எக்ஸ் சின்னமாக மாறியது.இந்த விஷயம் ஒருபுறம் இருக்க, இப்போது அவரது முன்னாள் மனைவி தலுலா ரிலேவுக்கு பிரபல நடிகருடன் நிச்சயதார்த்தம் நடந்துள்ளது.

எலான் மஸ்க், தலுலா ரிலே தம்பதி 2016 இல் விவாகரத்து செய்து கொண்டனர்.தலுலா ரிலே தன்னைவிட 4 வயது இளையவரான ‘கேம் ஆப் திரோன்ஸ்’ புகழ் தாமஸ் பிராடி சாங்ஸ்டரை மணக்கவுள்ளார்.இது தொடர்பாக சமூக வலைதளங்களில் அதிகாரப்பூர்வ அறிவிப்பு வெளியாகி உள்ளது.ரிலே தனக்கு நிச்சயதார்த்தம் நடந்ததாக டுவிட்டரில் பதிவிட்டுள்ளார்.

தனது முன்னாள் மனைவி மற்றொரு திருமணத்திற்கு தயாராகி வருவதை அறிந்த எலான் மஸ்க், சிவப்பு இதயம் கொண்ட எமோஜியுடன் வாழ்த்து தெரிவித்து உள்ளார்.