இலங்கை மற்றும் நியூசிலாந்து அணிகளுக்கு இடையிலான மூன்றாவது இறுதியுமான ஒருநாள் சர்வதேச கிரிக்கெட் போட்டி இன்று இடம்பெறவுள்ளது.இந்த போட்டி கண்டி – பல்லேகலை விளையாட்டரங்கில் இடம்பெறவுள்ளது.
இந்த இரண்டு அணிகளுக்கும் இடையே முன்னதாக இடம்பெற்ற இரண்டு போட்டிகளிலும் இலங்கை அணி வெற்றி பெற்றுள்ளது.இன்றைய போட்டியில் இலங்கை அணியின் குசல் மெண்டிஸ் பெத்தும் நிஸ்ஸங்க கமிந்து மெண்டிஸ் மற்றும் அசித பெர்னாண்டோ ஆகியோருக்கு ஓய்வளிக்கப்பட்டுள்ளது.
தென்னாப்பிரிக்க அணியுடனான டெஸ்ட் கிரிக்கெட் போட்டியில் விளையாடும் நோக்கில் இந்த நடவடிக்கை எடுக்கப்பட்டுள்ளது.அவர்களுக்குப் பதிலாக நுவனிது பெர்னாண்டோ லஹிரு உதாரா மற்றும் எஷான் மலிங்க ஆகியோர் நியூசிலாந்து அணிக்கு எதிரான மூன்றாவது ஒருநாள் சர்வதேச கிரிக்கெட் போட்டிக்காக இணைத்துக் கொள்ளப்படவுள்ளனர்.
