புத்தளம், ஆனமடுவ பகுதியில் இன்று அதிகாலை இடம்பெற்ற விபத்தில், ஆனமடுவ பொலிஸ் போக்குவரத்துப் பிரிவின் பொறுப்பதிகாரி உயிரிழந்தார்.
இதேவேளை, இந்த விபத்தில் ஆனமடுவ குற்றப்பிரிவின் பொறுப்பதிகாரி படுகாயமடைந்துள்ளார்.
இச்சம்பவத்தில் உயிரிழந்த பொலிஸ் அதிகாரி 38 வயதுடைய நிக்கவெரட்டிய பகுதியைச் சேர்ந்தவர் எனத் தெரிவிக்கப்பட்டுள்ளது.
சட்டவிரோதமாக கால்நடைகளை ஏற்றிச் சென்ற லொறியொன்றை துரத்திச் சென்றபோது பொலிஸார் பயணித்த வாகனம் வேகக்கட்டுப்பாட்டையிழந்து வீதியின் சுற்றுவட்ட கட்டடத்தில் மோதியதில் இந்த விபத்து ஏற்பட்டுள்ளது.
இந்தச் சம்பவம் தொடர்பில் ஆனமடுவ பொலிஸார் மேலதிக விசாரணைகளை முன்னெடுத்து வருகின்றனர்.
